ఆగ్నేయ బంగాళాఖాతంలో అల్పపీడన ద్రోణి: ఆగ్నేయ బంగాళాఖాతంలో అండమాన్ వైపు ఏర్పడిన అల్పపపీడన ద్రోణి రానున్న 48 గంటలలో మరింత బలపడే అవకాశం ఉందని విశాఖపట్నంలోని వాతావరణ కేంద్రం గురువారం తెలియచేసింది. ఇది తూర్పు మధ్య బంగాళాఖాతం వైపు పయనించనుందని వివరించింది. ఈ ద్రోణి కోస్తా తీరానికి చాలా దూరంగా ఉన్నందున ప్రస్తుతానికి వర్షప్రభావం ఉండకపోవచ్చని అంచా వేస్తున్నారు. ఒక వేళ ఈ అల్పపీడన ద్రోణి దిశమార్చుకుని తమిళనాడువైపు కదిలితే వాతావరణంలో మార్పులు కొంత ప్రభావం ఉంటుందని తెలియచేసారు.