DMHO: ఏపీ వైద్యారోగ్యశాఖ డీఎంహెచ్‌వోల్లో పారామెడికల్ పోస్టులు - దరఖాస్తు పూర్తి వివరాలు ఇవే! AP Jobs: ఏపీలోని పలు జిల్లాల డీఎంహెచ్‌వో కార్యాలయాలు పారా మెడికల్‌, ఇతర పోస్టుల భర్తీకి వేర్వేరుగా నోటిఫికేషన్లు విడుదల చేశాయి. సరైన అర్హతలున్నవారు ఆఫ్‌లైన్ విధానంలో దరఖాస్తులు సమర్పించాలి. ఏపీ డీఎంహెచ్‌వో ఉద్యోగాలు, AP Medical Jobs: ఏపీలోని పలు జిల్లాల డీఎంహెచ్‌వో పరిధిలోని ప్రభుత్వాసుపత్రుల్లో కాంట్రాక్ట్ విధానంలో పారా మెడికల్‌, ఇతర పోస్టుల భర్తీకి దరఖాస్తులు కోరుతున్నారు. వైఎస్సార్‌ జిల్లా డీఎంహెచ్‌వో పరిధిలో 14 ఖాళీలు, చిత్తూరు జిల్లా డీఎంహెచ్‌వో పరిధిలో 16 ఖాళీలు, విజయనగరం జిల్లా డీఎంహెచ్‌వో పరిధిలో 7 ఖాళీలు ఉన్నాయి. పోస్టులవారీగా విద్యార్హతలు నిర్ణయించారు. సరైన అర్హతలున్నవారు సంబంధిత జిల్లా వెబ్‌సైట్ నుంచి దరఖాస్తులు డౌన్‌లోడ్ చేసుకోవాలి. దరఖాస్తులు నింపి, సంబంధిత జిల్లా ఆరోగ్య కేంద్రాల్లో నిర్ణీత గడువులోగా సమర్పించాల్సి ఉంటుంది. వివరాలు.. * వైఎస్సార్‌ జిల్లా డీఎంహెచ్‌వో పరిధిలో.. ఖాళీల సంఖ్య: 14. 1. ఫిజీషియన్/ మెడికల్ ఆఫీసర్: 01 పోస్టు 2. ల్యాబ్ టెక్నీషియన్ గ్రేడ్-II: 02 పోస్టులు 3. ఫిమేల్ నర్సింగ్ ఆర్డర్లీ: 05 పోస్టులు 4. శానిటరీ అటెండర్ కమ్ వాచ్‌మెన్: 04 పోస్టులు 5. ఫార్మసిస్ట్: 01 పోస్టు 6. టీబీ హెల్త్ విజిటర్: 01 పోస్టు అర్హతలు: పోస్టును అనుసరించి పదోతరగతి, ఇంటర్మీడియట్, డీఎంఎల్‌టీ, బీఎస్సీ (ఎంఎల్‌టీ), ఎంపీడబ్ల్యూ/ ఎల్‌హెచ్‌వీ/ ఏఎన్‌ఎం, డీఫార్మసీ, బీఫార్మసీ ఉత్తీర్ణత. ఎంపిక విధానం: అర్హత పరీక్ష మార్కులు, పని అనుభవం, రూల్ ఆఫ్‌ రిజర్వేషన్ ఆధారంగా. దరఖాస్తు విధానం: ఆఫ్‌లైన్‌ ద్వారా. దరఖాస్తులకు చివరితేదీ: 30.12.2024. ఫిజీషియన్ పోస్టులకు ఇంటర్వ్యూ తేదీ: 30.12.2024.