RRB NTPC 2024: ఇంటర్‌ అర్హతతో రైల్వేలో 3445 ఉద్యోగాలు.. ప్రారంభమైన RRB NTPC UG దరఖాస్తు ప్రక్రియ.. అప్లికేషన్‌ ప్రాసెస్‌ ఇదే Railway Recruitment Board : రైల్వే రిక్రూట్‌మెంట్‌ బోర్డు ఎన్‌టీపీసీ యూజీ దరఖాస్తు ప్రక్రియ ప్రారంభమైంది. ఈ ప్రకటన ద్వారా 3445 పోస్టులను భర్తీ చేయనున్నారు. • ఆర్‌ఆర్‌బీ ఎన్‌టీపీసీ యూజీ రిక్రూట్‌మెంట్‌ 2024 • 3445 ప్రారంభమైన దరఖాస్తు ప్రక్రియ • అక్టోబర్‌ 20 దరఖాస్తులకు చివరి తేది ఆర్‌ఆర్‌బీ ఎన్‌టీపీసీ యూజీ రిక్రూట్‌మెంట్‌ 2024 RRB NTPC UG Recruitment 2024 : ఆర్‌ఆర్‌బీ ఎన్‌టీపీసీ అండర్‌ గ్రాడ్యుయేట్‌ రిక్రూట్‌మెంట్‌ 2024 పోస్టుల భర్తీ కోసం రిజిస్ట్రేషన్ ప్రక్రియ సెప్టెంబర్ 21 నుంచి రైల్వే రిక్రూట్మెంట్ బోర్డులు ప్రారంభించాయి. సెంట్రలైజ్డ్ ఎంప్లాయిమెంట్ నోటీస్ నెం Cen 06/2024 నాన్ టెక్నికల్ పాపులర్ కేటగిరీ (అండర్ గ్రాడ్యుయేట్) పోస్టులకు అప్లయ్‌ చేసుకోవాలనుకుంటున్న వారు అధికారిక వెబ్‌సైట్‌ https://www.rrbapply.gov.in/ ద్వారా డైరెక్ట్ లింక్ని పొందవచ్చు. ఈ రిక్రూట్మెంట్ డ్రైవ్ ద్వారా 3445 పోస్టులను భర్తీ చేయనున్నారు. అక్టోబర్‌ 27 దరఖాస్తులకు చివరి తేది మొత్తం పోస్టుల సంఖ్య : 3445 • కమర్షియల్ కమ్ టికెట్ క్లర్క్ పోస్టులు : 2022 • అకౌంట్ క్లర్క్ కమ్ టైపిస్ట్ పోస్టులు : 361 • జూనియర్ క్లర్క్ కమ్ టైపిస్ట్ పోస్టులు : 990 • ట్రైన్స్ క్లర్క్ పోస్టులు : 72 దరఖాస్తు విధానం : • విద్యార్థతలు : దరఖాస్తు చేసుకోవాలనుకునే అభ్యర్థులు అండర్ గ్రాడ్యుయేట్ పోస్టులకు ఇంటర్‌/12వ తరగతి ఉత్తీర్ణత ఉండాలి. • వయసు: అభ్యర్థులు వయసు 18 నుంచి 30 ఏళ్ల మధ్య ఉండాలి. • అభ్యర్థులు తమ మొబైల్ నెంబర్‌, చెల్లుబాటు అయ్యే, యాక్టివ్ పర్సనల్ ఈమెయిల్ ఐడీని కలిగి ఉండాలి. రిక్రూట్‌మెంట్‌ మొత్తం వ్యవధి వరకు దానిని (అంటే మొబైల్ - ఈమెయిల్) యాక్టివ్గా ఉంచుకోవాలి. ఎందుకంటే రిక్రూట్‌మెంట్‌ పూర్తిగా పూర్తయ్యే వరకు ఆర్‌ఆర్‌బీలు అన్ని రిక్రూట్‌మెంట్‌ సంబంధిత కమ్యూనికేషన్లను ఎస్ఎంఎస్, ఈమెయిల్ ద్వారా మాత్రమే పంపుతాయి. • ఆర్ఆర్‌బీ ఎన్‌టీపీసీ దరఖాస్తు ఫీజు: ఎస్సీ, ఎస్టీ, ఎక్స్ సర్వీస్‌మెన్, మహిళ, దివ్యాంగులు, ట్రాన్స్జెండర్, మైనార్టీలు, ఆర్థికంగా వెనుకబడిన తరగతుల (ఈబీసీ) కేటగిరీ అభ్యర్థులకు రూ.250. మిగతా అన్ని అప్లికేషన్లకు ఫీజు రూ.500. అభ్యర్థులు కంప్యూటర్ బేస్డ్ టెస్ట్ (సీబీటీ)కు హాజరైనప్పుడు దరఖాస్తు ఫీజును పాక్షికంగా రీఫండ్ చేస్తారు. మరిన్ని వివరాలకు అభ్యర్థులు ఆర్ఆర్‌బీ అధికారిక వెబ్‌సైట్‌ని చూడొచ్చు. నోటిఫికేషన్‌ CEN_06-2024_NTPC_UnderGraduate_a11y ఎంపిక విధానం : • ఆన్‌లైన్ పరీక్ష స్టెప్ 1 -CBT 1 • ఆన్‌లైన్ పరీక్ష స్టెప్ 2 - CBT 2 • టైపింగ్ టెస్ట్ (స్కిల్ టెస్ట్) /ఆప్టిట్యూడ్ టెస్ట్ • డాక్యుమెంట్ వెరిఫికేషన్ • వైద్య పరీక్ష ఆన్లైన్లో దరఖాస్తు విధానం : • అభ్యర్థులు మొదట https://www.rrbapply.gov.in/ వెబ్‌సైట్‌ ఓపెన్‌ చేయాలి • హోమ్ పేజీలో పైన అప్లయ్‌ అనే ఆప్షన్‌ కనిపిస్తుంది. • అభ్యర్థులు అకౌంట్ క్రియేట్ చేసుకోవాల్సిన కొత్త పేజీ ఓపెన్ అవుతుంది. • ఒకవేళ ఇప్పటికే అకౌంట్‌ క్రియేట్‌ చేసుకుని ఉంటే.. అకౌంట్లోకి లాగిన్ కావాలి • అప్లికేషన్ ఫామ్ నింపి అప్లికేషన్ ఫీజు చెల్లించాలి. • సబ్మిట్ బటన్పై క్లిక్ చేసి పేజీని డౌన్లోడ్ చేసుకోవాలి