தென்மேற்கு வங்கக்கடலில் உருவான காற்றழுத்த தாழ்வு நிலை கடந்த 06 மணி நேரத்தில் மணிக்கு 15 கிமீ வேகத்தில் மேற்கு-தென்மேற்கு திசையில் நகர்ந்து இன்று டிசம்பர் 24 ல், அட்சரேகை 10.5°N மற்றும் தீர்க்கரேகை 83.7°E நிலைகொண்டு உள்ளது. இது திருகோணமலைக்கு வடகிழக்கே (இலங்கை), 340 கிமீ, தொலைவிலும், நாகப்பட்டினத்திலிருந்து (தமிழ்நாடு) கிழக்கே 420 கிமீ தொலைவிலும், சென்னைக்கு (தமிழ்நாடு) கிழக்கு-தென்கிழக்கே 470 கிமீ தொலைவிலும் உள்ளது. இது மேலும் மேற்கு-தென்மேற்கு திசையில் நகர்ந்து 25ம் தேதி காலை இலங்கை கடற்கரையை அடையும். அதன்பிறகு, அது தொடர்ந்து மேற்கு-தென்மேற்கு திசையில் இலங்கை முழுவதும் நகர்ந்து 26ம் தேதி காலை கொமோரின் பகுதியையும் அண்டை பகுதிகளையும் அடையும். பேரலை எச்சரிக்கை வட தமிழகத்தின் வேதாரண்யம் முதல் பழவேற்காடு வரை 24-12-2022 அன்று மாலை 05.30 மணி முதல் 25-12-2022 அன்று இரவு 11:30 மணி வரை 7 முதல் 10 அடி வரை கடல் அலைகள் எழும் என்று கணிக்கப்பட்டுள்ளது. கடல் நீரோட்டம் வினாடிக்கு 60 - 125 சென்டிமீட்டர் வேகத்தில் மாறுபடும். தென் தமிழகத்தின் குளச்சல் முதல் கீழக்கரை வரை 24-12-2022 அன்று மாலை 05.30 மணி முதல் 25-12-2022 அன்று இரவு 11:30 மணி வரை 7 முதல் 9 அடி வரை கடல் அலைகள் எழும் என்று கணிக்கப்பட்டுள்ளது. கடல் நீரோட்டம் வினாடிக்கு 50 - 70 சென்டிமீட்டர் வேகத்தில் மாறுபடும். அதிக காற்று எச்சரிக்கை 24.12.2022, 25.12.2022 : தென்மேற்கு வங்கக்கடல், மற்றும் அதனை ஒட்டிய இலங்கை கடலோரப்பகுதிகள், தமிழக கடலோரப் பகுதிகள், குமரிக்கடல் பகுதிகள் மற்றும் மன்னார் வளைகுடா பகுதிகளில் சூறாவளிக்காற்று மணிக்கு 45 முதல் 55 கிமீ வேகத்திலும் இடையிடையே மணிக்கு 65 கிமீ வேகத்தில் வீசக்கூடும். 26.12.2022, 27.12.2022: தமிழக கடலோரப் பகுதிகள், மன்னார் வளைகுடா பகுதிகள், குமரிக் கடல் பகுதிகள், மற்றும் லட்சத்தீவு பகுதிகளில் சூறாவளிக் காற்று மணிக்கு 40 முதல் 50 கிமீ வேகத்தில் இடையிடையே 60 கிமீ வேகத்தில் வீசக்கூடும்.