నైరుతి బంగాళాఖాతంలో ఉన్న ‘‘మాండస్‘‘ తుఫాను ప్రస్తుతం పశ్చిమ మరియు వాయువ్యదిశగా కదులుతూ చెన్నైకు ఆగ్నేయంగా 300 కి.మీ దూరంలో ఉంది. ఇది డిసెంబర్ 9వ తేదీ అర్ధరాత్రి లేదా 10వ తేదీ తెల్లవారుజామున శ్రీహరికోట మరియు పుదుచ్చేరిల మధ్య మహాబలిపురం సమీపంలో తీరానికి చేరే అవకాశం ఉంది. దీని ప్రభావంగా ఆంధ్రప్రదేశ్ లోని అన్ని సముద్రతీర ప్రాంతాలలో డిసెంబర్ 9వ తేదీ నుంచి 10వ తేదీ వరకు సముద్రంలో గాలి వేగం 50 నుంచి 60 కి.మీ వరకు ఉండవచ్చు. అలాగే సముద్రంలో అలల ఎత్తు 8 నుంచి 12 అడుగుల వరకు ఎగిసిపడతాయి. దక్షిణ ఆంధ్రప్రదేశ్ లోని నెల్లూరు, ప్రకాశం జిల్లాలలో భారీవర్షాలు కురిసే అవకాశం ఉంది. కావున మత్స్యకారులు అప్రమత్తంగా ఉండి డిసెంబర్ 10వ తేదీ రాత్రి వరకు చేపలవేటకు వెళ్ళరాదని సూచిస్తున్నాము.