ఆగ్నేయ బంగాళాఖాతం మరియు నైరుతి బంగాళాఖాతం ఆనుకుని ఉన్న తీవ్రమైన వాయుగుండం డిసెంబర్ 7వ తేదీ రాత్రి ‘‘మాండస్‘‘ తుఫానుగా మారింది. ఇది ప్రస్తుతం చెన్నైకు ఆగ్నేయంగా 620 కి.మీ దూరంలో ఉంది. డిసెంబర్ 9వ తేదీ సాయంత్రానికి తమిళనాడు, దక్షిణ ఆంధ్రప్రదేశ్ తీరానికి చేరనుంది. దీని ప్రభావంగా ఆంధ్రప్రదేశ్ లోని అన్ని సముద్రతీర ప్రాంతాలలో డిసెంబర్ 8వ తేదీ నుంచి 10వ తేదీ వరకు సముద్రంలో గాలి వేగం 45 నుంచి 55 కి.మీ వరకు ఉండవచ్చు. అలాగే సముద్రంలో అలల ఎత్తు 8 నుంచి 12 అడుగుల వరకు ఎగిసిపడతాయి. కావున మత్స్యకారులు అప్రమత్తంగా ఉండి డిసెంబర్ 10వ తేదీ రాత్రి వరకు చేపలవేటకు వెళ్ళరాదని సూచిస్తున్నాము.