దక్షిణ అండమాన్ సముద్రం పరిసరాల్లో అల్పపీడనం డిసెంబర్ 6వ తేదీ సాయంత్రం వాయుగుండంగా బలపడింది. ఇది వాయువ్య దిశగా కదులుతూ డిసెంబర్ 7వ తేదీ సాయంత్రానికి తుఫానుగా మారనుంది. ఇది ప్రస్తుతం చెన్నైకు 1000 కి.మీ దూరంలో ఉంది. ఇది డిసెంబర్ 8వ తేదీ ఉదయానికి తమిళనాడు, దక్షిణ ఆంధ్రప్రదేశ్ తీరానికి చేరనుంది. డిసెంబర్ 8 ఉదయం నాటికి ఉత్తర తమిళనాడు-పుదుచ్చేరి మరియు దక్షిణ ఆంధ్రప్రదేశ్ తీరానికి చేరుకునే అవకాశం ఉంది. దీని ప్రభావంగా ఆంధ్రప్రదేశ్ లోని అన్ని సముద్రతీర ప్రాంతాలలో డిసెంబర్ 7వ తేదీ నుంచి 9వ తేదీ వరకు సముద్రంలో గాలి వేగం 45 నుంచి 55 కి.మీ వరకు ఉండవచ్చు. అలాగే సముద్రంలో అలల ఎత్తు 7 నుంచి 9 అడుగుల వరకు ఎగిసిపడతాయి. కావున మత్స్యకారులు అప్రమత్తంగా ఉండి డిసెంబర్ 9వ తేదీ రాత్రి వరకు చేపలవేటకు వెళ్ళరాదని సూచిస్తున్నాము.