தமிழகப் பகுதிகளின் மேல் நிலவும் வளிமண்டல கீழடுக்கு சுழற்சி காரணமாக, தமிழகம், புதுச்சேரி மாநிலங்களில் 15-ம் தேதி (இன்று) சில இடங்களிலும், நவ. 16, 17,18-ம் தேதிகளில் ஓரிரு இடங்களிலும், இடி, மின்னலுடன் லேசான மழை பெய்யக் கூடும். எனினும், இதற்கு முந்தைய நாட்களைப் போல் கனமழை பெய்ய வாய்ப்பு குறைவு. இந்த நிலையில் வங்க கடலில் நாளை புதிய காற்றழுத்த தாழ்வு பகுதி உருவாகிறது. தமிழக கடலோர பகுதிகளில் வரும் 19ஆம் தேதி கனமழைக்கு வாய்ப்பு எனவும் ,நவம்பர் 19ம் தேதி முதல் மழை படிப்படியாக தீவிரடைய வாய்ப்ப்புள்ளதாக இந்திய வானிலை ஆய்வு மையம் தெரிவிக்கிறது. நாளை தென்கிழக்கு வங்கக் கடல் மற்றும் அந்தமான் பகுதிகளிலும் நாளை மறுநாள் மத்திய மேற்கு வங்கக் கடல் பகுதிகளிலும் மணிக்கு 65கிமீ வேகம் வரை சூறாவளி காற்று வீசும் எனவும் அந்த பகுதிகளுக்கு மீனவர்கள் செல்ல வேண்டாம் என தெரிவிக்கப்படுகிறார்கள்.