పశ్చిమ మధ్య బంగాళాఖాతంలో సెప్టెంబర్ 8వ తేదీ ఉదయం అల్పపీడనం ఏర్పడింది. ఇది ఉత్తర ఆంధ్రప్రదేశ్ మరియు దక్షిణ ఒడిషా దగ్గరలో ఈనెల 10వ తేదీ నాటికి మరింత బలపడే అవకాశం ఉంది. దీని ప్రభావంగా ఒక మాదిరి నుంచి భారీ వర్షాలు కురుస్తాయి. అలాగే సెప్టెంబర్ 10వ తేదీ నుంచి 12వ తేదీ వరకు సముద్రంలో అలల ఎత్తు 7 నుంచి 9 అడుగులు మరియు గాలివేగం 40 నుంచి 50 కి.మీ వరకు ఉత్తర ఆంధ్రప్రదేశ్ సముద్ర తీరంలో ఉంటుంది. కావున మత్స్యకారులు సెప్టెంబర్ 12వ తేదీ వరకు వేటకు వెళ్ళరాదని సూచిస్తున్నాము.