పశ్చిమ మధ్య బంగాళాఖాతం లో ఉన్న "అసాని" తుఫాను గంటకు 7 కి.మీ వేగంతో నెమ్మదిగా కదులుతుంది. ఇది మే 11వ తేదీ సాయంత్రానికి మచిలీపట్నంకు తూర్పుదిశగా 30 కి.మీ దూరంలోను, నర్సాపురుకు ఆగ్నేయంగా 50 కి.మీ దూరంలో ఉంది. . ఇది రానున్న కొన్ని గంటలపాటు ఉత్తర మరియు ఈశాన్య దిశగా తిరిగి నర్సాపూర్, యానాం, కాకినాడ, తుని, వెంబడి పయనిస్తూ ఈ రోజు రాత్రికి క్రమంగా బలహీనపడి తీవ్ర వాయుగుండంగా మారే అవకాశం ఉంది. దీని ప్రభావంగా కోస్తా జిల్లాలలో మాదిరి నుంచి భారీ వర్షాలు కురుస్తాయి. అలాగే సముద్ర తీరంలో అలలు 7 నుంచి 11 అడుగుల వరకు ఎగిసిపడతాయి మరియు తుఫాను తీరానికి చేరువయ్యే సమయంలో సముద్ర తీరంలో గాలి వేగం 50 నుంచి 60 కి.మీ వేగంతో ఉండవచ్చు. కావున మత్స్యకారులు అప్రమత్తంగా ఉండి మే 12వ తేదీ రాత్రి వరకు చేపలవేటకు వెళ్ళరాదని సూచిస్తున్నాము.