ఆగ్నేయ బంగాళాఖాతం లో ఉన్న వాయుగుండం మే 8వ తేదీ ఉదయానికి ‘అసాని‘ తుఫానుగా బలపడింది. ఇది 8వ తేదీ ఉదయం 6 గంటల సమయానికి విశాఖపట్నంకు ఆగ్నేయంగా 970 కి.మీ దూరంలోను మరియు పూరీకి 1030 కి.మీ దూరంలో ఉన్నది. వాయువ్య దిశగా ప్రయాణిస్తూ మరో 24 గంటలలో తీవ్రమైన తుఫానుగా మారవచ్చు. ఇది 10వ తేదీకి సాయంత్రం వరకు ఉత్తర ఆంధ్రప్రదేశ్ మరియు ఒడిషాల మధ్య తీరానికి చేరువగా వచ్చిన తరువాత మరల వంపు తిరిగి ఉత్తర మరియు ఈశాన్యవైపుగా ప్రయాణించి ఒడిషాలోని తీరానికి చేరే అవకాశం ఉంది.. దీని ప్రభావంగా ఉత్తర కోస్తా జిల్లాలలో మాదిరినుంచి భారీ వర్షాలు కురుస్తాయి. అలాగే మే 9 మరియు 10 వ తేదీలలో సముద్ర తీరంలో అలలు 7 నుంచి 9 అడుగుల వరకు ఎగిసిపడతాయి మరియు గాలి వేగం 40 నుంచి 50 కి.మీ వేగంతో ఉండవచ్చు. కావున మత్స్యకారులు అప్రమత్తంగా ఉండి మే 11వ తేదీ వరకు చేపలవేటకు వెళ్ళరాదని సూచిస్తున్నాము.