మే 6వ తేదీ దక్షిణ అండమాన్ మరియు ఆగ్నేయ బంగాళాఖాతం పరిసర ప్రాంతాలలో ఉన్న అల్పపీడనం మే 7వతేదీ మధ్యాహ్నం వాయుగుండంగా మారింది. ఇది ప్రస్తుతం విశాఖపట్నంకు ఆగ్నేయంగా 1270 కి.మీ దూరంలోను మరియు పూరీకి 1300 కి.మీ దూరంలో ఉన్నది. ఇది వాయువ్య దిశగా ప్రయాణిస్తూ తూర్పు మధ్య బంగాళాఖాతంలో మే 8వ తేదీకి తుఫానుగా మారే అవకాశం ఉంది. ఇది 10వవ తేదీ నాటికి ఉత్తర ఆంధ్రప్రదేశ్ మరియు ఒడిషాల మధ్య తీరానికి చేరే అవకాశం ఉంది. దీని ప్రభావంగా ఉత్తర కోస్తా జిల్లాలలో మాదిరినుంచి భారీ వర్షాలు కురుస్తాయి. అలాగే మే 9 మరియు 10 వ తేదీలలో సముద్రంలో అలలు 7 నుంచి 9 అడుగుల వరకు ఎగిసిపడతాయి మరియు 40 నుంచి 50 కి.మీ వేగంతో ఉండవచ్చు. కావున మత్స్యకారులు అప్రమత్తంగా ఉండి మే 11వ తీ వరకు చేపలవేటకు వెళ్ళరాదని సూచిస్తున్నాము.