పశ్చిమ మధ్యబంగాళాఖాతంలో ఉన్న ‘జవాద్‘ తుఫాను ప్రస్తుతం గంటకు 6 కి.మీ వేగంతో కదులుతూ డిసెంబర్ 4వ తేదీ ఉదయానికి విశాఖపట్నంకు ఆగ్నేయ దిశగా 210 కి.మీ దూరం మరియు గోపాలపూరుకు 320 కి.మీ దూరంలో ఉంది. ఇది వాయువ్య దిశలో ప్రయాణిస్తూ డిసెంబర్ 4 తేదీ సాయంత్రానికి విశాఖపట్నంకు తీరంకు చేరువగా వచ్చి తదుపరి వంపు తీసుకుని ఒడిషా దిశగా పయనించబోతుంది. అక్కడ నుంచి డిసెంబర్ 5వ తేదీకి పూరీ సమీపానికి చేరుకునే లోపు బలహీనపడే వాయుగుండంగా మారే అవకాశం ఉంది. దీని ప్రభావంగా విశాఖపట్నం, విజయనగరం మరియు శ్రీకాకుళం జిల్లాలలో డిసెంబర్ 5వ తేదీ వరకు భారీవర్షాలు మరియు గోదావరి జిల్లాలలో చెదురు మదురు వర్షాలు కురవచ్చు. తుఫాను తీరంకు చేరే సమయంలో గంటకు 60 నుంచి 70 కి.మీ వేగం గాలులుతోి పాటు సముద్రం అల్లకల్లోలంగా ఉండి అలలు 8 నుంచి 12 అడుగుల వరకు ఎగిసిపడతాయి. కావున మత్స్యకారులు అప్రమత్తంగా ఉండి డిసెంబర్ 5వ తేదీ వరకు చేపలవేటకు వెళ్లరాదని సూచిస్తున్నాము.