ఆగ్నేయ బంగాళాఖాతంలో ఉన్న తీవ్ర వాయుగుండం డిసెంబర్ 3వ తేదీ మధ్యాహ్నం ‘జవాద్‘ తుఫానుగా మారింది. ఇది ప్రస్తుతం గంటకు 22 కి.మీ వేగంతో కదులుతూ డిసెంబర్ 3వ తేదీ సాయంత్రానికి విశాఖపట్నంకు ఆగ్నేయ దిశగా 300 కి.మీ దూరం మరియు గోపాలపూరుకు 420 కి.మీ దూరంలో ఉంది. ఇది మరింత బలపడి తీవ్రమైన తుఫానుగా మారనుంది. ఇది వాయువ్య దిశలో ప్రయాణిస్తూ డిసెంబర్ 4 తేదీ ఉదయానికి ఉత్తర ఆంధ్రప్రదేశ్ మరియు దక్షిణ ఒడిషాల మధ్య గలప్రాంతానికి చేరుకుని అక్కడ నుంచి డిసెంబర్ 5వ తేదీకి పూరీకి చేరుకునే అవకాశం ఉంది. దీని ప్రభావంగా తూర్పుగోదావరి, విశాఖపట్నం, విజయనగరం మరియు శ్రీకాకుళం జిల్లాలలో డిసెంబర్ 3వ తేదీ రాత్రి నుంచి భారీవర్షాలు కురవచ్చు. తుఫాను తీరంకు చేరే సమయంలో గంటకు 90 నుంచి 100 కి.మీ వేగం గాలులుతోి పాటు సముద్రం అల్లకల్లోలంగా ఉండి అలలు 8 నుంచి 12 అడుగుల వరకు ఎగిసిపడతాయి. కావున మత్స్యకారులు అప్రమత్తంగా ఉండి డిసెంబర్ 5వ తేదీ వరకు చేపలవేటకు వెళ్లరాదని సూచిస్తున్నాము.