అండమాన్ పరిసర ప్రాంతంలో ఉన్న అల్పపీడనం ఆగ్నేయ బంగాళాఖాతంలో వాయుగుండంగా మారింది. ఇది డిసెంబర్ 2వ తేదీ సాయంత్రానికి విశాఖపట్నంకు 950 కి.మీ దూరంలో ఉంది. ఇది తదుపరి మరో 24 గంటలలో తుఫానుగా మారే అవకాశం ఉంది. ఇది వాయువ్య దిశలో ప్రయాణిస్తూ డిసెంబర్ 4 తేదీకి ఉత్తర ఆంధ్రప్రదేశ్ మరియు దక్షిణ ఒడిషాల మధ్య ప్రాంతానికి చేరుకోవచ్చు. దీని ప్రభావంగా తూర్పుగోదావరి, విశాఖపట్నం, విజయనగరం మరియు శ్రీకాకుళం జిల్లాలలో డిసెంబర్ 3వ తేదీ నుంచి భారీవర్షాలు కురవచ్చు తుఫాను తీరంకు చేరే సమయంలో గంటకు 80 నుంచి 100 కి.మీ వేగం గాలులుతోి పాటు సముద్రం అల్లకల్లోలంగా ఉండి అలలు 8 నుంచి 10 అడుగుల వరకు ఎగిసిపడతాయి. కావున మత్స్యకారులు అప్రమత్తంగా ఉండి డిసెంబర్ 5వ తేదీ వరకు చేపలవేటకు వెళ్లరాదని సూచిస్తున్నాము.