தென்கிழக்கு மற்றும் தென்மேற்கு வங்க கடல் பகுதியில் நிலவும் குறைந்த காற்றுழுத்த தாழ்வு பகுதி மேற்கு திசையில் நகர்ந்து வரும் 18 ஆம் தேதி தெற்கு ஆந்திரா – வட தமிழக கடற்கரை நோக்கி நகரக்கூடும். பேரலை எச்சரிக்கை 17.11.2021 முதல் 18.11.2021 இரவு 11.30 மணி வரை பேரலைகள் 7 - 9 அடி வரை வடதமிழகத்தில் கோடியக்கரை முதல் பழவற்காடு வரை எழக்கூடும். கடல் மேல்மட்ட நீரோட்டம் வினாடிக்கு 75 -195 செ.மீ வேகத்தில் காணப்படும் மேலும் தென் தமிழகத்தில் கொளச்சல் முதல் கீழக்கரை வரை பேரலைகள் 7 - 9 அடி வரை எழக்கூடும். மேலும் கடல் மேல்மட்ட நீரோட்டம் வினாடிக்கு 75 -195 செ.மீ வேகத்தில் காணப்படும் காற்று எச்சரிக்கை 17.11.2021, 18.11.2021: மத்திய மேற்கு, தென்மேற்கு வங்க கடல், தெற்கு ஆந்திரா மற்றும் வடதமிழக கடலோர பகுதிகளில் சூறாவளி காற்று மணிக்கு 40 முதல் 50 கிலோமீட்டர் வேகத்திலும் இடையிடையே 60 கிலோமீட்டர் வேகத்திலும் வீசக்கூடும். 19.11.2021: தென்மேற்கு வங்க கடல், தெற்கு ஆந்திரா மற்றும் வட தமிழக கடலோர பகுதியில் சூறாவளி காற்று மணிக்கு 40 முதல் 50 கிலோமீட்டர் வேகத்திலும் இடையிடையே 60 கிலோமீட்டர் வேகத்திலும் வீசக்கூடும். எனவே மீனவர்கள் மேற்கண்ட பகுதிகளுக்கு செல்லவேண்டாமென கேட்டுக்கொள்ளப்படுகிறார்கள்.