காற்றழுத்த தாழ்வு மண்டலம் சென்னைக்கு கிழக்கு தென் கிழக்கே சுமார் 80 கிலோமீட்டர் தொலைவில் நிலைகொண்டுள்ளது. இது அடுத்த சில மணி நேரத்தில் மேற்கு வடமேற்கு திசையில் நகர்ந்து தெற்கு ஆந்திரா கடற்பகுதிக்கும் வடதமிழக கடற்பகுதிக்கும் இடையில் சென்னைக்கு அருகே இன்று மாலை கடந்து செல்லும். இதன் காரணமாக திருவள்ளூர், சென்னை, காஞ்சிபுரம், செல்கல்பட்டு, விழுப்புரம் மாவட்டங்களில் கரையோர பகுதிகளில் தரைக்காற்று மணிக்கு 40 முதல் 45 கிலோமீட்டர் வேகத்தில் வீசக்கூடும். பேரலை எச்சரிக்கை 11.11.2021 இரவு 11.30 மணி வரை பேரலைகள் 7 - 9 அடி வரை வடதமிழகத்தில் கோடியக்கரை முதல் பழவற்காடு வரை எழக்கூடும். கடல் மேல்மட்ட நீரோட்டம் வினாடிக்கு 75 -200 செ.மீ வேகத்தில் காணப்படும் மேலும் தென் தமிழகத்தில் கொளச்சல் முதல் கீழக்கரை வரை பேரலைகள் 8 - 10 அடி வரை எழக்கூடும். மேலும் கடல் மேல்மட்ட நீரோட்டம் வினாடிக்கு 44 -76 செ.மீ வேகத்தில் காணப்படும். காற்று எச்சரிக்கை 11.11.2021: வட தமிழகம் மற்றும் தென்தமிழக கடலோர பகுதிகளில் சூறாவளி காற்று மணிக்கு 40 முதல் 50 கிலோமீட்டர் வேகத்தில் வீசக்கூடும். 12.11.2021: மன்னார் வளைகுடா பகுதிகளில் பலத்த காற்று மணிக்கு 40 முதல் 50 கிலோமீட்டர் வேகத்தில் வீசக்கூடும். எனவே மீனவர்கள் மேற்கண்ட பகுதிகளுக்கு செல்லவேண்டாமென கேட்டுக்கொள்ளப்படுகிறார்கள்.