இலட்சத்தீவு மற்றும் அதையொட்டிய தென்கிழக்கு மற்றும் கிழக்கு மத்திய அரபிக்கடலில் உருவாகியுள்ள "தக்டே" சூறாவளி புயல் தற்போது கேரளா கண்ணூர் கடல் பகுதிக்கு 300கி.மீ மேற்கு மற்றும் வடமேற்கு திசையிலும் , குஜராத் வரவால் கடல் பகுதிக்கு 990 கி.மீ தெற்கு மற்றும் தென்கிழக்கு திசையிலும் மையம் கொண்டுள்ளது . இது மேலும் வலுவடைந்து தீவிர சூறாவளி புயலாக அடுத்த 24 மணி நேரத்தில் வலுப்பெற்று வடக்கு மற்றும் வடமேற்கு திசையில் நகர்ந்து குஜராத் கடல் பகுதியில் வரும் 18 ஆம் தேதி காலை கரையை கடக்கும் என எதிர்பார்க்கப்படுகிறது. இதன் காரணமாக தென்தமிழகத்தில் ஆழ்கடல் பகுதியில் பேரலைகள் 9 அடி முதல் 12 அடி வரை 15.5.2021 - 16.5.2021 இரவு 11.30 மணி வரை எழக்கூடும். கடல் மேல்மட்ட நீரோட்டம் வினாடிக்கு 35-54 செ .மீ வேகத்தில் காணப்படும் எனவே மீனவர்கள் தென்கிழக்கு அரபிக்கடல் , இலட்சத்தீவு , மாலத்தீவு, கிழக்கு மத்திய அரபிக்கடல் , கர்நாடகா , மகாராஷ்டிரா, கோவா மற்றும் குஜராத் கடல் பகுதிக்கு வரும் 18 ஆம் தேதி வரை மீன்பிடிக்க செல்லவேண்டாமென எச்சரிக்கப்படுகிறார்கள். கடலுக்கு சென்றுள்ள மீனவர்கள் உடனே கரை திரும்புமாறும் அறிவுறுத்தப்படுகிறார்கள்.