புரெவி புயல் வலுவிழந்துள்ளது ராமநாதபுரத்திற்கு அருகில் மன்னார் வளைகுடாவில் மையம் கொண்டுள்ள ஆழ்ந்த காற்றழுத்த தாழ்வு மண்டலம் கடந்த 3 மணி நேரமாக Lat. 9.1°N and Long. 78.6°E ல்,ராமநாதபுரத்திற்கு 40கி.மீ தென்மேற்கு திசையிலும் , பாம்பனுக்கு 70 கி.மீ மேற்கு மற்றும் வடமேற்கு திசையிலும், கன்னியாகுமரிக்கு வடகிழக்கே 160 கி.மீ தொலைவிலும் மையம் கொண்டுள்ளது. இது மேற்கு மற்றும் தென்மேற்கு திசையில் நகர்ந்து ராமநாதபுரம் மற்றும் தூத்துக்குடி மாவட்டத்திற்கு இடையே 50-60 அதிகபட்சமாக 70 கி.மீ காற்று வேகத்தில் கரையை கடக்கக்கூடும். பின்னர் அடுத்த 24 மணி நேரத்தில் மேலும் வலுவிழந்து காற்றழுத்த பகுதியாக மணிக்கு 45-55 காற்று வேகத்தில் பலமிழக்கக்கூடும் பலத்த காற்று எச்சரிக்கை 4.12.2020 : மோசமான வானிலையுடன் கூடிய சுழல் காற்று மணிக்கு 55-65 கி.மீ அதிகபட்சமாக 75 கி.மீ வேகத்தில் தென்மேற்கு வங்கக்கடல், மன்னார் வளைகுடா, குமரிகடல், தென் தமிழக கடற்கரை குறிப்பாக இராமநாதபுரம் , தூத்தூக்குடி , திருநெல்வேலி மாவட்டங்களில் வீசக்கூடும். இது இன்று மாலை படிப்படியாக குறையக்கூடும் பேரலை எச்சரிக்கை : தென்தமிழ்நாடு : பேரலைகள் 4.12.2020 இரவு 11.30 மணி வரை 6 முதல் 12 அடி (குளச்சல் முதல் தனுசுகோடி) வரை எழக்கூடும். கடல் மேல்மட்ட நீரோட்டம் வினாடிக்கு 56 - 64 செ .மீ வேகத்தில் காணப்படும். வட தமிழ்நாடு : பேரலைகள் 4.12.2020 இரவு 11.30 மணி வரை 6 முதல் 13 அடி(கோடியக்கரை முதல் பழவேற்காடு)வரை காணப்படும். கடல் மேல்மட்ட நீரோட்டம் வினாடிக்கு 56-64 செ .மீ வேகத்தில் காணப்படும் மீனவர்களுக்கான எச்சரிக்கை மீன்பிடித்தல் முழுவதும் தடைசெய்யப்பட்டுள்ளது. எனவே மீனவர்கள் மிகுந்த எச்சரிக்கையுடன் இருக்குமாறு அறிவுறுத்தப்படுகிறார்கள்