ஏ.டி.எம்.களில் இருந்து பணம் எடுப்பதற்கான கட்டுப்பாடுகள் நாளை (புதன்கிழமை) முதல் நீக்கப்படுகிறது. ஆனாலும் வங்கிகள் அவர்கள் விருப்பப்படி ஏ.டி.எம்.களில் பணம் எடுப்பதற்கு சில நடைமுறைகளை வகுத்துள்ளனர்.வங்கிகளில் நடப்பு கணக்கு வைத்திருப்பவர்கள், ரொக்க கடன் கணக்குகள், மிகைப்பற்று (ஓ.டி.) கணக்குகள் ஆகியவைகளுக்கு விதிக்கப்பட்ட கட்டுப்பாடுகள் அனைத்தும் நீக்கப்படுகின்றன. இந்த உத்தரவு உடனடியாக அமலுக்கு வருகிறது.சேமிப்பு கணக்கு வைத்திருப்பவர்கள் வாரத்துக்கு ரூ.24 ஆயிரம் எடுக்கலாம் என்று தற்போது உள்ள கட்டுப்பாடு நீடிக்கிறது. இதனையும் மிக விரைவில் திரும்பப்பெறுவது குறித்து பரிசீலிக்கப்பட்டு வருகிறது.