ஜெல்லி மீன்கள் கொட்டிய இடத்தில் அதிக அளவு வினிகர் விட்டு கழுவுவதன் மூலம் ஜெல்லி மீனின் நச்சு ஏதேனும் தோலின் மீது ஒட்டி இருந்தால் அதனை நீக்கலாம். இது நம்மை வலியிலிருந்தோ அல்லது தீராத அரிப்பிலிருந்தோ காக்காது ஆனால் தொடர்ந்து ஜெல்லி மீன் கொட்டுதலிலிருந்து நம்மைக் காக்கும். மேலும் ஜெல்லி மீன் கொட்டிய இடத்தில் மணல் அல்லது வேறு எந்தப்பொருளையும் கொண்டு தேய்க்கக் கூடாது. மீனின் கைகள் அல்லது கொடுக்குகள் ஏதேனும் கையில் அல்லது உடல் மேல் ஒட்டி இருப்பின் அவற்றை குச்சி அல்லது வேறு பொருள் கொண்டு உடனே அகற்றவேண்டும். வலியைப் போக்க அல்லது குறைக்க கொட்டிய இடத்தில் பனிக்கட்டி கொண்டு தடவவும். இதன் பின்னரும் வலி இருப்பின் கரைக்குத் திரும்பியவுடன் உடனே மருத்துவரை அணுகவும்.