கடல் ஆமையின் சிறப்புத் தன்மைகள்க டலாமைகள் நுரையீரலைக்கொண்டு சுவாசிக்கும் கடல்வாழ் உயிரினமாகும். இவை முட்டையிட்டு குஞ்சுப்பொறிக்கும் வகையைச் சார்ந்தது. ஒரு பெண் கடலாமை நூற்றுக்கணக்கான முட்டைகளையிடும் தன்மைக்கொண்டது. கடலாமைகள் வளர்ந்து பெரிதானாலும் கூட அதன் பிறந்த இடத்தை மறப்பதில்லை. இனப்பெருக்கத்திற்கு தயாரான ஒரு பெண் ஆமை மீண்டும் தன் பிறந்த அதே இடத்திற்கு வந்துதான் முட்டையிடுகிறது. மேலும் கடல் நீரை சுத்தமாக வைத்திருப்பதில் கடலாமையின் பங்கு மிக முக்கியமாகும். இத்தகைய அரிய பண்பினைக்கொண்ட கடல் ஆமை இன்று அழிவை நோக்கி சென்றுக்கொண்டிருக்கின்றன. எனவே மீனவர்களாகிய நாம் கடல் ஆமைகளை பிடிப்பதை தவிர்த்து அவற்றின் வளர்ச்சிக்கு உறுதுணையாக இருப்போம்.