கடல் உணவின் முக்கியத்துவம் உடல் வளர்ச்சிக்கு தேவைவான புரதசத்து மிகுந்த உணவுப் பொருட்க்கில் மீன் வுணவு மிகச் சிறந்தது மீன் மற்றும் கடல் உணவு பொருட்களில் உள்ள கொழுப்பு விரைவில் செரிக்கக்கூடியதாகும் மீன்களில் நிறைவு பெறாத கொழுப்பு அமிலங்கள் உள்ளன. மீன்களில் அதிகளவில் காணப்படும் ஒமேகா 3 கொழுப்பு அமிலங்கள் குழந்தைகளின் மூளை வளர்ச்சிக்கும் , நல்ல பார்வைக்கும் உறுதுணையாக இருக்கின்றன. ஒமேகா கொழுப்பு அமிலங்கள் இரத்த குழாய்களின் நீட்சித்தன்மையை அதிகரித்து இரத்த அழுத்தத்தைக் குறைக்கிறது. மேலும் கெட்ட கொழுப்புகளை குறைத்து நல்ல கொழுப்பினை அதிகரிக்கச்செய்கிறது. அதனால் இரத்தகுழாய் அடைப்பு ,இரத்த கொதிப்பு மற்றும் இருதய கோளாறுகள் ஏற்படும் வாய்ப்பு குறைக்கப்படுகிறது. மீன்களின் தசைகளிலிருந்து உடல் வளர்ச்சிக்கு தேவையான தாதுசத்துக்கள் கிடைக்கின்றன. எடுத்துக்காட்டாக கால்சியம், பாஸ்பரஸ் , இரும்பு சத்து , தாமிரம், துத்தநாகம் , மக்னீசியம் போன்றவைகளை கூறலாம். மீன்களில் அயோடின் சத்து மிகுந்து காணப்படுகிறது. மீன் உணவு என்பது இன்றைய காலச்சூழலில் அனைத்து வயதினருக்கும் ஏற்ற தவிர்க்க முடியாத கலப்படமில்லாத , சத்தான உணவாக மாறிவிட்டது.