மீன்பிடி துறைமுக பராமரிப்பு - உலகின் மூன்றில் இரண்டு பாகம் கடலால் சூழப்பட்ட நீர் பகுதியாய் இருப்பதால், நிலத்திலிருந்து போகும் ஆலைக்கழிவுகள் , மனித கழிவுகள் , சாக்கடைகள் போன்ற எல்லா கழிவு பொருட்களும் கடலில் தான் தஞ்சம் புகுகின்றன. கடல் மாசுபடுவதில் மீன்பிடி துறைமுக நடவடிக்கைகளும் பெரும்பங்கு வகிக்கிறது. எனவே மீன்பிடி துறைமுகத்தில் நடைபெறும் நடவடிக்கைகள் கடலை மாசுபடுத்தாமல் காக்கும் கடமை நமக்கிருக்கிறது. மாசுற்ற நிலைக்கு காரணம்: 1. சுத்திகரிக்கப்படாத சாக்கடை கழிவு நீர் துறைமுகத்தின் பெரும்பாலான இடங்களில் கலந்து,பெரும் தொற்றுநோய் மற்றும் தரச்சீர்கேட்டை உருவாக்குகின்றன. 2. மெர்குரி, காட்மியம், குரோமியம் போன்ற கன உலோகங்கள் கொண்ட கழிவுகள் கடலில் கலப்பதால் , அவை உணவு சங்கிலியில் சென்று நாம் உண்ணும் மீனில் கலந்து விடுகிறது. இந்த மீன்களை உண்பதால் கன உலோகங்கள் நமது உடல் செயலில் பலவித கோளாறுகளை ஏற்படுத்துகிறது. 3. படகு எஞ்ஜின் எண்ணெய் , டீசல், கிரீஸ் முதலியன கடலில் கலந்து மாசுபடுத்துகின்றன.