ஆழ்ந்த காற்றழுத்த தாழ்வுமண்டலம் : தென்கிழக்கு வங்கக்கடல் மற்றும் அதையொட்டிய கிழக்கு மத்திய வங்கக்கடல் மற்றும் அந்தமான் தீவுகளுக்கருகில் நிலைகொண்டுள்ள காற்றழுத்த தாழ்வுமண்டலம் வடக்கு திசையில் மணிக்கு 15 கி.மீ வேகத்தில் நகர்ந்து near latitude 12.8 N and longitude 92.0 E அந்தமான்- போர்ட்பிளேயர்க்கு 150 கி .மீ வடக்கு மற்றும் வடமேற்கு திசையில் நிலைகொண்டுள்ளது. இது மேலும் வடக்கு மற்றும் வடமேற்கு திசையில் நகர்ந்து வலுவிழந்த நிலையில் மியான்மர் பகுதியை அடுத்த 12 மணி நேரத்தில் கடக்கும் என எதிர்பார்க்கப்படுகிறது. சுழல்காற்று மணிக்கு 45-55 கி.மீ அதிகபட்சமாக 65 கி.மீ வேகத்தில் அடுத்த ஆறு மணி நேரத்திற்கு அந்தமான் தீவுகள், அந்தமான் கடல் பகுதி மற்றும் அதைஒட்டிய தென் கிழக்கு மத்திய, வங்கக்கடல் பகுதியில் வீசக்கூடும். பின்னர் அதற்கடுத்த 6 மணி நேரத்தில் படிப்படியாக குறைந்து மணிக்கு 40-50 கி.மீ அதிகபட்சமாக 60 கி.மீ வேகத்தில் கிழக்கு மத்திய வங்கக்கடல் மற்றும் அந்தமான் கடல் பகுதியில் வீசக்கூடும். எனவே மீனவர்கள் கிழக்கு மத்திய வங்கக்கடல், வடக்கு அந்தமான் கடற்பகுதி மற்றும் அதையொட்டிய தென்கிழக்கு வங்கக்கடல் பகுதிக்கு அடுத்த 12 மணி நேரத்திற்கு மீன்பிடிக்க செல்லவேண்டாமென கேட்டுக்கொள்ளப்படுகிறார்கள். வட தமிழ்நாடு மற்றும் தென்தமிழகத்திற்கான பலத்த காற்று முன்னறிவிப்பு காற்று வடகிழக்கு திசையிலிருந்து மணிக்கு 35-45 கி.மீ வேகத்தில் வடதமிழ்நாடு மற்றும் புதுச்சேரி கடற்கரை பகுதிகளில் வீசக்கூடும் அதேபோல் பலத்த காற்று வடகிழக்கு திசையிலிருந்து மணிக்கு 35-45 கி.மீ அதிகபட்சமாக 50-55 கி.மீ வேகத்தில் தெற்கு தமிழ்நாடு கடற்பகுதி மற்றும் அதையொட்டிய குமரி கடல் பகுதியில் வீசக்கூடும்