దక్షిణ మధ్య బంగాళాఖాతంలో ఉన్న అల్పపీడనం 13వ ఉదయం వాయుగుండంగా మారింది మరియు 14వ తేదీకి తుఫానుగా మరుతుంది తదుపరి ఇది తీవ్రమైన తుఫానుగా మారే అవకాశం ఉంది. ఇది ప్రస్తుతం 14వ తేదీ ఉదయం 9 గంటల సమయానికి మచిలీపట్నంకు ఆగ్నేయ దిశగా 1090 కి.మీ దూరంలో ఉంది. ఇది 17వ తేదీన కాకినాడ మరియు ఒంగోలు మధ్య తీరం దాటే అవకాశం ఉంది. దీని ప్రభావంగా ఆంధ్రప్రదేశ్ లోని అన్ని తీరప్రాంతాలలో దుర్గరాజు పట్నం నుంచి బారువా తీరం వరకు, డిసెంబర్ 15వ తేదీ నుంచి 17వ తేదీ వరకు సముద్రంలో అలల ఎత్తు 10 నుంచి 18 అడుగుల వరకు ఎగిసిపడి సముద్రం అల్లకల్లోలంగా మారుతుంది. గాలివేగం 45 నుంచి 55 కిలోమీటర్లు మరియు తీరానికి చేరువయ్యే సమయంలో 90 నుంచి 100 కిలోమీటర్ల వరకు ఉంటుంది. కావున మత్స్యకారులు అప్రమత్తంగా ఉండి మీ యొక్క వేటసామాగ్రి అయిన బోట్లు మరియు వలలను సురక్షిత ప్రాంతాలలోకి తరలించుకోవాలి. అలాగే 15 వ తేదీ నుంచి 17 వ తేదీ వరకు మాదిరి నుంచి భారీ వర్షాలు కురుస్తాయి. వేటలో వున్న మత్స్యకారులు 13వ తేదీ సాయంత్రానికల్లా వెంటనే తిరిగి రావాలి మరియు మత్స్యకారులు 17వ తేదీ వరకు వేటకు వెళ్లరాదని సూచిస్తున్నాము.