வங்கக்கடலில் வலுவான காற்றழுத்த தாழ்வு பகுதி உருவாகியுள்ளது. பேரலை எச்சரிச்கை : பேரலைகள் 6-9 அடி உயரத்தில் 21.11.2018 5.30 மணி முதல் 23.11.2018 இரவு 11.30 மணி வரை பழவேற்காடு முதல் குளச்சல் வரை காணப்படும். கடல் மேல்மட்ட வெப்ப நிலை வேகம் வினாடிக்கு 87-102 செ .மீ வேகத்தில் இருக்கும். பலத்த காற்று எச்சரிக்கை 21.11.2018: இதன் காரணமாக சுழல் காற்று மணிக்கு 40-50 கி.மீ வேகத்தில் அதிகபட்சமாக 60 கி.மீ வேகத்தில் தென்மேற்கு வங்கக்கடலையொட்டிய தமிழ்நாடு, புதுச்சேரி, தென் ஆந்திரா மற்றும் மன்னார் வளைகுடா பகுதிகளில் வீசக்கூடும் மழை எச்சரிக்கை : தமிழ்நாடு மற்றும் புதுச்சேரி கடலோர மாவட்டங்களில் கனமழை மற்றும் மிகக்கனமழை பெய்யக்கூடும். மீனவர்களுக்கான எச்சரிக்கை : கடல் மிகவும் கொந்தளிப்பாக காணப்படும். எனவே தமிழ்நாடு ,புதுச்சேரி ஒட்டிய தென்மேற்கு வங்கக்கடல் மற்றும் மன்னார் வளைகுடா பகுதிகளுக்கு அடுத்த 24 மணி நேரத்திற்கு மீன்பிடிக்க செல்லவேண்டாமென அறிவுறுத்தப்படுகிறார்கள்.