மேற்கு மத்திய மற்றும் தென் மேற்கு மையம் கொண்டுள்ள லுபான் என்று பெயரிடப்பட்டுள்ள புயலானது மேலும் மணிக்கு 11 கி.மீ வேகத்தில் மேற்கு மற்றும் வடமேற்கு திசையில் நகர்ந்து lat 12.4N, long 61.8E 970 கி .மீ சாலலாஹ் பகுதிக்கு (ஓமான் )கிழக்கு -தென்கிழக்கு திசையிலும், ஏமன் சோகோட்ரா தீவுக்கு 860 கி .மீ தொலைவில் கிழக்கு -தென்கிழக்கு திசையிலும், இலட்சத்தீவு மினிக்கோய் தீவுக்கு 1320 கி .மீ தொலைவில் மேற்கு -வடமேற்கு திசையிலும் மையம் கொண்டுள்ளது. இது மேலும் நகர்ந்து அடுத்த 5 நாட்களில் தெற்கு ஓமான் மற்றும் ஏமன் பகுதிகளில் கரையை கடக்கும் என எதிர்பார்க்கப்படுகிறது. இதன் காரணமாக மத்திய மேற்கு மற்றும் தென்மேற்கு அரபிக்கடல் பகுதிகளில் காற்றின் வேகம் மணிக்கு 70-80 கி.மீ.வேகத்தில் வீசக்கூடும். இது மேலும் வலுப்பெற்று மணிக்கு 100-110 கி.மீ.வேகத்தில் வரும் அக்டோபர் 9 - 11 தேதிகளில் புயலுக்கு மைய பகுதிகளில் வீசக்கூடும். தென்மேற்கு அரபி கடல் பகுதிகளில் இதன் பின்னர் காற்று படிப்படியாக குறைந்து 40-50 கி.மீ.வேகத்தில் வீசும்.எனவே மீனவர்கள் எச்சரிக்கையுடன் இருக்குமாறு அறிவுறுத்தப்படுகிறார்கள். கிழக்கு மத்திய வங்க கடலில் உருவாகியுள்ள காற்றழுத்த தாழ்வு நிலை மேலும் நகர்ந்து கோபால்பூர் மற்றும் கலிங்கபட்டினத்துக்கு இடையே மையம் கொண்டுள்ளது. இது மேலும் வலுப்பெற்று அடுத்த 72 மணிநேரத்தில் காற்றழுத்த தாழ்வு மண்டலமாக ஒடிசா நோக்கி நகரக்கூடும். எனவே மீனவர்கள் மத்திய வங்கக்கடல் பகுதிக்கு வருகின்ற 8-10 தேதிவரையிலும், வடக்கு வங்கக்கடல் பகுதிக்கு அக்டோபர் 9-11 தேதிகளிலும் மீன்பிடிக்க செல்லவேண்டாமென எச்சரிக்கபடுகிறார்கள்.