வங்க கடலில் அந்தமான் அருகே உருவான ‘கியான்ட்’ புயல் நேற்று முன்தினம் மாலை நிலவரப்படி ஆந்திர மாநிலம் விசாகப்பட்டினத்துக்கு தென்கிழக்கே 400 கிலோ மீட்டர் தொலைவில் மையம் கொண்டு இருந்தது. அந்த புயல் மேற்கு மற்றும் தென் மேற்கு திசையில் நகர்ந்து வந்தது. இந்த நிலையில் நேற்று திடீரென்று அந்த புயல் வலு இழந்தது. என்றாலும் வெள்ளிக்கிழமை (இன்று) வட தமிழ்நாட்டில் ஓரிரு இடங்களில் மழை பெய்யும். தீபாவளி தினமான சனிக்கிழமை (நாளை) வட மாவட்டங்களில் அனேக இடங்களில் மழை அல்லது இடியுடன் கூடிய மழை பெய்யும். ஓரிரு இடங்களில் கன மழை பெய்யும். தென் மாவட்டங்களில் சில இடங்களில் மழை பெய்யும்.