Jobs in BSI with ITI Qualification: రక్షణ శాఖకు చెందిన బోర్డర్ సెక్యూరిటీ ఫోర్స్ (బీఎస్ఎఫ్) కానిస్టేబుల్ పోస్టులకు నోటిఫికేషన్ విడుదల చేసింది. దీని ద్వారా ట్రేడ్స్‌మెన్ విభాగంలో కానిస్టేబుల్ పోస్టులను భర్తీ చేస్తారు. ఎంపికైన వారికి ఆరు మాసాల శిక్షణ ఉంటుంది. ప్రారంభ వేతనం నెలకు రూ.30 వేలు వరకు అందజేస్తారు. సైనికులకు అందజేసే ఇతర సౌకర్యాలన్నీ వీరికి కల్పిస్తారు. కేవలం పురుషులు మాత్రమే దరఖాస్తు చేయాలి. కానిస్టేబుల్ (ట్రేడ్స్‌మెన్): 1074. విభాగాలు: కాబ్లర్, టైలర్, కార్పెంటర్, డ్రాఫ్ట్స్‌మెన్, పెయింటర్, కుక్, వాటర్ క్యారియర్, వాషర్‌మెన్, బార్బర్, స్వీపర్, వెయిటర్, మాలీ, ఖోజీ. విద్యార్హతలు: పదో తరగతి లేదా తత్సమాన అర్హత ఉండాలి. సంబంధిత విభాగంలో కనీసం రెండేళ్ల అనుభవం లేదా ఏడాది ఐటీఐ సర్టిఫికెట్, ఏడాది అనుభవం ఉండాలి లేదా రెండేళ్ల ఐటీఐ పూర్తిచేసి ఉండాలి. శారీరక ప్రమాణాలు- పురుషుల ఎత్తు 167.5 సెం.మీ., చాతీ 78 నుంచి 83 సెం.మీ. మధ్య ఉండాలి. ఎస్సీ, ఎస్టీలకు ఇందులో కొంత మినహాయింపు ఉంటుంది. వయోపరిమితి: 2017 ఆగస్టు 1 నాటికి 18 నుంచి 23 ఏళ్ల మధ్య ఉండాలి. నిబంధనల ప్రకారం ఎస్సీ, ఎస్టీ, ఓబీసీలకు వయోపరిమితిలో సడలింపు ఉంటుంది. దరఖాస్తు విధానం: బీఎస్‌ఎఫ్ వెబ్‌సైట్ నుంచి డౌన్‌లోడ్ చేసిన దరఖాస్తులను పూర్తిచేసి సంబంధిత బీఎస్ఎఫ్ ప్రాంతీయ అధికారి కార్యాలయానికి పంపాలి. ఆంధ్రప్రదేశ్, తెలంగాణ అభ్యర్థులు The lnspector General, Ftr HO BSF Bangalore,Yelahanka, Bangalore North, Kamataka-560064 చిరునామాకు పంపాలి. ఎంపిక విధానం: ఫిజికల్ మెజర్‌మెంట్ టెస్ట్, ఫిజికల్ ఎఫిషియెన్సీ టెస్ట్, ట్రేడ్ టెస్ట్, రాత పరీక్ష ద్వారా ఎంపిక చేస్తారు. పీఎఫ్‌టీ, పీఎంటీ, ట్రేడ్ టెస్ట్‌ల్లో అర్హత సాధించిన వారికి మాత్రమే రాత పరీక్షను నిర్వహిస్తారు. ఇది 100 మార్కులకు ఉంటుంది. దీనిలో జనరల్ అవేర్‌నెస్/ జనరల్ నాలెడ్జ్, అర్థమెటిక్స్, రీజనింగ్ అండ్ ఎనలిటికల్ ఆప్టిట్యూడ్, జనరల్ ఇంగ్లిష్‌కు సంబంధించిన ప్రశ్నలు ఆబ్జెక్టివ్ విధానంలోనే ఉంటాయి. దరఖాస్తులకు చివరితేది: అక్టోబరు 10. నోటిఫికేషన్ కొరకు http://bsf.nic.in/doc/recruitment/r61.pdf లో చూడగలరు