Recruitment in Navy with 10th qualification: పదో తరగతితోనే ఇండియన్ నేవీలో ఉద్యోగం: కేవలం పదో తరగతి లేదా తత్సమాన విద్యార్హతలతోనే త్రివిధ దళాల్లో ఒకటైన ఇండియన్ నేవీలో ఉద్యోగం సాధించే సువర్ణావకాశం. నిరుద్యోగులు కొద్దిగా కష్టపడితే భవిష్యత్తులో స్థిరపడటానికి సరైన సమయం. ది ఇండియన్ నేవీ అవివాహిత పురుష అభ్యర్థుల నుంచి సెయిలర్ పోస్టుల భర్తీకి నోటిఫికేషన్ విడుదల చేసింది. దీని ద్వారా గ్రూప్-సి విభాగంలోని ఎంఆర్ (మ్యూజీషియన్), సెయిలర్ ఫర్ ఎంఆర్ (మ్యూజీషియన్)పోస్టులను భర్తీ చేస్తుంది. విద్యార్హతలు: పదో తరగతి లేదా తత్సమాన అర్హత ఉండాలి. వయసు: 17 నుంచి 21 ఏళ్ల మధ్య ఉండాలి (1996 అక్టోబరు 1 నుంచి 2000 సెప్టెంబరు 30 మధ్య జన్మించి ఉండాలి). నిబంధనల ప్రకారం ఎస్సీ, ఎస్టీ, ఓబీసీలకు వయోపరిమితిలో సడలింపు ఉంటుంది. శారీరక ప్రమాణాలు కనీస ఎత్తు 157 సెం.మీ. ఉండాలి. చాతీ 80 నుంచి 85 సెం.మీ. ఉండాలి. ఎంపిక విధానం: మ్యూజికల్ స్క్రీనింగ్ టెస్ట్, ఫిజికల్ మెజర్‌మెంట్ టెస్ట్, ఫిజికల్ ఎఫిషియెన్సీ టెస్ట్, మెడికల్ టెస్ట్ ద్వారా ఎంపిక చేస్తారు. రాత పరీక్ష విధానం: ఫిజికల్ ఎఫిషియెన్సీ టెస్ట్, మెడికల్ టెస్ట్ తర్వాత అర్హత సాధించిన అభ్యర్థుల జాబితాను రూపొందిస్తారు. వీరికి స్క్రీనింగ్ టెస్ట్ నిర్వహిస్తారు. ఇందులో మ్యూజిక్ ఆప్టిట్యూడ్ టెస్ట్, పొటెన్షియల్, సంభావ్యత, అరల్ సామర్థ్యానికి చెందిన ప్రశ్నలు ఉంటాయి. ఇందులో ప్రతిభ చూపిన అభ్యర్థులను మెరిట్ ప్రాతిపదికన ఎంపిక చేస్తారు. తర్వాత వీరికి ముంబయిలోని ఐఎన్ఎస్ కుంజలి, కోల్బాలో మెడికల్ టెస్ట్ ఉంటుంది. ఇక్కడ స్క్రీనింగ్ టెస్ట్‌లో కొందర్ని ఒడపోస్తారు. ఆ తర్వాత మెరిట్ అభ్యర్థులను తీసుకుని ఐఎన్‌హెచ్ఎస్ అశ్వనిలో మెడికల్ పరీక్షలు నిర్వహిస్తారు. తుది జాబితాలో ఎంపికైన అభ్యర్థులకు ఐఎన్ఎస్ చిల్కాలో శిక్షణ ఇస్తారు. దరఖాస్తు విధానం: వెబ్‌సైట్ నుంచి డౌన్‌లోడ్ చేసిన దరఖాస్తును పూర్తిచేసి The Commanding Officer, (for Director of Music) INS Kunjali, Colaba, Mumbai – 400 005 చిరునామాకు విద్యార్హత ధ్రువపత్రాల నకలను జతపరిచి పంపాలి. దరఖాస్తులకు చివరితేది: మే 19, ఫిజికల్ ఎఫిషియెన్సీ టెస్ట్: జులై 10 నుంచి 14 వరకు. పరీక్ష కేంద్రాలు: విశాఖపట్నం, ముంబై, కోల్‌కతా, ఢిల్లీ, కోచి. స్క్రీనింగ్ టెస్ట్ తేది: సెప్టెంబరు 4 నుంచి 8. పూర్తి వివరాలకు ఈ లింక్ ద్వారా తెలుసుకోగలరు. http://nausena-bharti.nic.in/sailor_career.php